Dy kryetaët e sapo zgjedhur, Bekim Jashari për komunën e Skenderajt dhe Ramiz Lladrovci i komunës së Drenasit zhvilluan homazhe në Kompleksin e Jasharave duke vendosur lule pranë varrit të Komandantit legjendar Adem Jashari.
Kryetari i sapo zgjedhur i komunës së Skenderjat, Bekim Jashari tha se “për mua është një ditë e veçantë, sepse jam me mikun tim, të babait e agjes tim, që sot jemi kolegë e homolog të dy komunave të Drenicës. Ne do të punojmë drejt dhe pastër me transparencë të plotë e llogaridhënie, ne do të mbajmë qëndrimin tonë dhe do të ju kthejmë dinjitetin qytetarëve që ata të jenë të kënaqur dhe të mos ndjehen të dëshpëruar për votën dhe besimin e dhënë”, ka thënë Bekim Jashari.
Ndërsa Ramiz Lladrovci tha se Drenasin dhe Drenicën do të bëjmë me të bukur dhe qendër të zhvillimit ekonomik me krijimin e vendeve të reja të punës.
“Do të punojmë për të mirën e qytetarëve të dy komunave, mbaj akoma të freskët kujtimin kur Bekimi me patë thënë se duhet punuar në të mirën e qytetarëve, tani unë i them se edhe ky duhet të punoj sa më shumë ne shërbim të qytetarëve. Falënderojmë të gjithë qytetarët e Drenasit dhe të Skenderajt që na kanë mbështetur dhe ne së bashku këtë mbështetje do të ju kthejmë në zhvillim ekonomik, investime dhe krijim të vendeve të reja të punës”, ka thënë kryetari Lladrovci duke theksuar se respekti më i madh për dëshmorët sot, është të respektohet ligji.
