Koalicioni qeverisës, Lëvizja Vetëvendosje dhe LDK-ja në programin qeverisës kanë paraparë që stadiumi nacional të ndërtohet në Prishtinë dhe jo në Drenas ashtu siç ka qenë projekti i Ministrisë së Kulturës, Rinisë dhe Sportit, raporton Front Online.
Në marrëveshjen e koalicionit të cilin e ka siguruar “Front Online” thuhet se gjatë qeverisjes Kurti, Qendra Nacionale e Sportit ku përfshinë Stadiumin Nacional, Pallatin Olimpik, Pishinën Olimpike, Qendrën për Trajnime dhe Fakultetin e Kulturës Fizike do të ndërtohen në Prishtinë.
Zhvendosjen e këtij stadiumi nga Drenasi në Prishtinë e pati paralajmëruar edhe deputeti i LDK-së, Lumri Abdixhiku gjatë fushatës zgjedhore.
Ndryshe Ministria e Kulturës, Rinisë dhe Sportit e udhëhequr nga ish-ministri i PDK-së, Kujtim Gashi për këtë projekt ka ndarë rreth 50 milionë euro./Front Online/
Më poshtë mund ta lexoni programin e plotë të LVV-LDK-së për sportin:
