Zyra e kryeministrit të Kosovës, Isa Mustafa ia ka ndarë 23 mijë euro televizionit të Serbisë, “B92”.
Këto para, zyra e kryeministrit i ka paguar për televizionin “B92” nga Buxheti i Shtetit i dedikuar për Organizatat Joqeveritare (OJQ) në Kosovë, i cili si përfitues në listën e OJQ-ve në vitet 2015 / 2016.
Ky televizion del se ka përfituar tri herë fonde, shkruan Infokusi.com.
Në vitin 2015, zyra e kryeministrit i ka dhënë “B92″-shit 9,000.00 euro, ndërsa në 2016 ky buxhet ishte rritur në 14,000.00 euro, duke i ndarë një herë 9,000.00 dhe një herë 5.000.00 euro.
Nuk ka ndonjë specifik të veçantë për çfarë saktësisht janë paguar këto para, por në bazë të përshkrimit të shkurtër duket se zyra e kryeministrit ka paguar për një emision në televizionin “B92, B92 OPEN, B92 OTVORENO”. /INFOKUSI
