Infektologu, Izet Sadiku, ka treguar në emisionin Pressing në T7 se a mund një person të preket edhe një herë nga koronavirusi, pasi është shërruar një herë.
Sipas tij, në bazë të gjithë historikut të viruseve një njeri nuk mund të preket dy herë pasi krijon imunitet por nuk është e sigurt.
‘’Krijohet imunitet. Por nuk ka informata të sigurta. Është virus i ri dhe nuk e dimë se si ka me ndodhë. Sipas rregullit ne mund të themi se krijohet imunitet’’, ka thënë ai.
Sadiku po ashtu ka thënë gjatë emisionit se numri i infektologëve në Kosovë është diku rreth 30. Sadiku ka potencuar se terapitë për shërimin e pacientëve eventual vijnë nga shtete tjera dhe deri më tani janë të evidentuara, por ai ka thënë se për shkak të paqartësisë nëpër botë as në vendin tonë nuk dihet se a do funksionojnë këto me siguri /Express/
