President nderi i Bayern Munichut, Uli Hoeneß, të martën tërhoqi vëmendjen në botën e futbollit.
Kjo ndodhi pasi gjermani sulmoi kampionin e La Ligas, Barcelonën, në një mënyrë të drejtpërdrejtë dhe pa mëshirë.
Ankesa e Hoeneß ka të bëjë me problemet e gjata financiare të Blaugranas dhe manovrat e tyre të diskutueshme për të balancuar buxhetin.
Së pari, praktikat e klubit janë kritikuar shpesh, madje në një moment të sezonit të kaluar dy nga yjet e skuadrës së parë nuk mund të aktivizoheshin në La Liga për shkak të situatës financiare.
Gjatë një paraqitjeje në podcastin OMR (cituar nga COPE) këtë javë, ikona e Bayern dhe anëtari i bordit, Hoeneß, nuk kurseu fjalët.
Duke folur për gjendjen financiare të Barcelonës, gjermani shpjegoi: “Barcelona nuk është modeli që unë mendoj për veten. Në çdo vend tjetër, ata as nuk do të luanin në divizionin e parë. Kur ke borxhe prej 1.3 miliardë eurosh, si mund të presësh që të kesh sukses? Sinqerisht, është e pakuptueshme se si ata akoma luajnë në divizionin e pare”./GazetaExpress/
