Sipas ushtrueses së Detyrës së Presidentes, Albulena Haxhiu, “çështja e Presidentit është hapi i parë”, për të ecur përpara. Ajo ka refuzimin e ftesës nga ana e PDK-së dhe AAK-së e ka cilësuar si veprim të pamatur.
Në një deklaratë, Haxhiu ka thënë; “Më lejoni të shpreh keqardhjen time të plotë që pavarësisht ftesës sime të sinqertë, subjektet politike si PDK dhe AAK refuzuan të njëjtën. Këtë refuzim e konsideroj veprim të gabuar, të pamatur dhe mbi të gjitha mungesë të vullnetit për të tejkaluar pozicionimet barrikaduese. Të tilla pozicione nuk e ndihmojnë askënd, aq më pak Republikën tonë”.
Sipas saj, tre procese të njëpasnjëshme zgjedhore me rezultat të përafërt janë dëshmi e bollshme që pa dialogim politik, veçanërisht për çështjen e Presidentit, nuk ka zgjidhje për ecje përpara.
