Pas përmbytjeve të fundit që kanë goditur Gjakovën, shumë familje janë përballur me vështirësi dhe nevoja urgjente për ndihmë.
Për t’u dalë në ndihmë këtyre familjeve, është iniciuar një fushatë humanitare përmes platformës ndërkombëtare GoFundMe.
Qëllimi i kësaj fushate është mbledhja e fondeve për të ndihmuar familjet e prekura nga përmbytjet me ushqim, veshmbathje dhe nevoja të tjera bazike.
GoFundMe është një platformë e sigurt dhe e besueshme, që mundëson donacione online nga kudo në botë.
Organizatorët kanë theksuar se procesi do të jetë plotësisht transparent.
Pas përfundimit të fushatës, familjet në nevojë do të verifikohen në terren nga koordinatori i Shoqatës “Bereqeti”, Hoxhë Abdurrahman Bejtullahu, në bashkëpunim me Komunën e Gjakovës, ndërsa ndihmat do të shpërndahen në mënyrë të drejtë dhe të dokumentuar.
Në njoftimin e GoFundMe, qytetarët ftohen të kontribuojnë sipas mundësive të tyre, pasi çdo donacion, sado i vogël, ka rëndësi të madhe.
Ata që nuk kanë mundësi të dhurojnë, inkurajohen ta shpërndajnë këtë thirrje, duke kontribuar kështu në rritjen e solidaritetit dhe ndihmës për Gjakovën në këtë periudhë të vështirë.
