Grupi më i vështirë dhe ai më i lehtë i mundshëm për Kosovën në edicionin e ri të Ligës së Kombeve

Kosova do të mësojë sot (e martë) kundërshtarët e saj të radhës për sezonin e dytë në Ligën e Kombeve.

Në edicionin e kaluar, Përfaqësuesja jonë arriti një suksese të madhe, duke kaluar nga Liga D në Ligën C, e që tani mund të përballet me kundërshtarë më të vështirë.

Shorti për sezonin 2020\21 për Ligën e Kombeve do të tërhiqet në Amsterdam nga ora 18:00, derisa Telegrafi do ju sjell versionin e grupit më të vështirë dhe atë më të lehtë për Kosovën.

Grupi më i vështirë për ‘Dardanët’ do të ishte nëse do të përballeshin me përfaqësueset si, Greqia, Sllovenia dhe  Armenia.

Në anën tjetër, grupi i lehtë për Kosovën do të konsideroheshin si përballja ndaj,  Gjeorgjia, Luksemburgu dhe Moldavia.

Në vazon e tretë janë Estonia, Sllovenia, Lituania e Luksemburgu, ndërsa në vazon e katërt Armenia, Azerbajxhani, Kazakistani e Moldavia.

Kosova në cilin do grup që bie do t’i zhvillojë gjashtë ndeshje dhe ato do të zhvillohen brenda tre muajve (shtator, tetor, nëntor).