Duket se më në fund edhe zyrtarisht Vetëvendosje është ndarë.
Një pjesë e deputetëve që tashmë kanë dhënë dorëheqje nga Vetëvendosje, kanë bërë një fotografi të përbashkët në Kuvend, duke e prezantuar ‘grupin e ri’ parlamentar.
Më saktësisht, është deputeti i liruar nga paraburgimi, Frashër Krasniqi që ka publikuar një fotografi me deputetët tjerë të VV-së, që kanë dhënë dorëheqje para disa kohësh nga partia e drejtuar nga Kurti.
“Kënaqësi t’i kthehem punës me kolegët deputetë”, ka shkruar Krasniqi, raporton gazeta Blic.
Pos Krasniqit, në grupin e Molliqajt janë edhe deputetët tjerë: Aida Dërguti, Dardan Sejdiu, Dardan Molliqaj, Visar Ymeri, Donika Kadaj- Bujupi, Driton Çaushi, Dukagjin Gorani.
Nga Vetëvendosje dorëheqje ka dhënë edhe deputetja Shqipe Pantina, por që nuk ishte prezente në kë takim.
