Një qytetare që po jepte opinion të lirë në shesh rreth deputetëve të Kuvendit të Kosovës, akuza dhe fyerje në veçanti ka drejtuar ndaj deputetit të Nismës, Milaim Zeka.
Ajo duket shumë e hatëruar se deputeti Zeka i ka quajtur ‘talebanë’ deputetët e Vetëvendosjes të cilët kishin hedhur gaz lotsjellës në Kuvendin e Kosovës kur ishte votuar Demarkacioni, përcjell gazetametro.net.
Por, ajo ka mendim tjetër. Thotë se deputetët e Vetëvendosjes kishin mbrojtur vendin. Ndërsa për Zekën thotë se duhet varur, jo për koke, por për këmbësh në mes të sheshit.
Televizioni T7 ka marrë edhe opinionin e deputetit Zeka, dhe ai thotë se komenti që i ka pëlqyer më së shumti, është pikërisht i kësaj gruaje. /gazetametro.net
