Vazhdojnë tensionet mes Shqipërisë e Greqisë, por kësaj radhe kanë të bëjnë me patrullimet e një anijeje shqiptare në detin Egje.
Qeveria shqiptare, por edhe Aleanca Veriatlantike, kanë marrë vendim që një anije shqiptare bashkë me 21 ushtarakë të patrullojnë në detin Egje, kjo në ndihmë të situatës së emigrantëve dhe konfliktit sirian, shkruan sot Koha Ditore.
Megjithëse angazhimi për pjesëmarrje është marrë nga ministrat e jashtëm të vendeve të BE-së dhe atyre kandidate, më 9 shtator të këtij viti në Konferencën për Siguri dhe Stabilitet, që u zhvillua pikërisht në Rodos të Greqisë, Qeveria e shtetit helen nuk ka pranuar, duke e parë si provokim, stacionimin e një anijeje shqiptare në ujërat e saj.
