Granit Xhaka ndodhet në Elbasan Arena, për të ndjekur takimin mes Shqipërisë dhe Moldavisë. Ky është njoftimi i mesfushorit të Arsenalit në rrjetin social Instagram, që ka ardhur për të mbështetur vëllain e tij, Taulant Xhaka.
Megjithatë ky i fundit ishte në stol për këtë takim.
Në një intervistë për “Supersport”, Graniti u shpreh:
“Shumë krenari për Shqipërinë dhe Kosovën. Kuqezinjtë nuk po kalojnë moment të mirë, por shpresojmë që të fitojmë. Kam udhëtuar me familjen për të parë këtë ndeshje. Taulanti është shumë i lumtur te Bazeli, por të shohim se çfarë do ndodh në të ardhmen”, u shpreh Xhaka. /Shqiperia.ch/
