Në rrugën “Eqrem Çabej” në Prishtinë, në orët e mbrëmjes ka ndodhur një grabitje në “Western Union”.
Lajmin për Metron e ka konfirmuar edhe Flora Ahmeti, zëdhënëse e Policisë së Kosovës për rajonin e Prishtinës.
Ajo ka thënë se në bazë të informacioneve të para, dyshohet se dy persona nën kërcënimin e armës kanë grabitur nga arka e këtij filiali një vlerë të caktuar parash.
“Rreth orës 18:30 është raportuar për një grabitje të ndodhur në filialin e një institucioni financiar për transferta ndërkombëtare në rrugën “Eqrem Çabej” në Prishtinë . Pas marrjes së informacionit policia ka dalë në vendngjarje dhe bazuar në informacionet e para janë ngritur dyshimet se dy persona të dyshuar nën kërcënimin e armës kanë grabitur nga arka e këtij filiali një vlerë të caktuar parash”, ka thënë Ahmeti për Metron.
Tutje Ahmeti ka thënë se Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit.
