Një 46 vjeçar është gjetur pa shenja jete në rrugën “Hasan Prishtina” në Obiliq.
Lajmin e ka konfirmuar zëdhënësja e policisë për rajonin e Prishtinës, Flora Ahmeti.
Ajo tha se vdekjen e viktimës e ka konstatuar ekipi mjekësor në vendngjarje ndërsa rasti po hetohet nga Policia e Kosovës.
“Sot në stacionin policor të Obiliqit, është iniciuar një rast Hetim mbi vdekjen. Rasti ka ndodhë në rrugën “Hasan Prishtina” në Obiliq, ku është gjet pa shenja jete viktima mashkull, 46 vjeç. Vdekjen e viktimës e ka konstatuar ekipi mjekësor në vendin e ngjarjes. Rasti është duke u hetuar nga njësitet kompetente në koordinim me prokurorinë”, tha Ahmeti.
