FSK shton radhët e saj në 8 mijë ushtarë

Forca e Sigurisë së Kosovës, pritet të rekrutojë 5000 pjesëtarë aktiv dhe 3000 tjerë si pjesë e forcës rezervë, ka thënë për Indeksonline komandanti i FSK-së, Gjeneral Rrahman Rama.

Ky ndryshim në strukturën e FSK-së pritet të ndodhë pas transformimit të saj në Forcat e Armatosura të Kosovës, proces i cili pritet të nis gjatë vitit 2017.

“Sa i përket kompetencave të Forcave të Armatosura të Kosovës, procesi i rishikimit Strategjik të Sektorit  të Sigurisë ishte një proces dy vjeçar, ku  është analizuar i gjithë sektori i sigurisë së Kosovës. Gjatë këtij procesi janë identifikuar rreziqet dhe kërcënimet, kapacitetet e tanishme dhe nevojat për të ardhmen që i duhen Kosovës për tu përballur më këto kërcënime dhe rreziqe. Si rezultat i kësaj analize ka dal që FSK, të evuloj në Forca të Armatosura të Kosovës, ku do të ketë 5000 pjesëtarë aktiv dhe 3000 rezervë”, ka thënë Gjeneral Rama.