Xhevdet Shehu, administrator i fshatit Dobroshec dhe bashkëpuntor i afërt i Xhavit Drenorit, ka deklaruar para mediave sot se pas përfundimit të numërimit të votave të dielën gjatë procesit zgjedhor në Drenas, është kërcënuar nga disa persona me vetura, rrugës duke shkuar në shtëpi.
Bashkëpunëtori i Drenorit tregoi se fillimisht u pengua nga një veturë Golf 1 por që nuk ka arritur ta identifikojë.
Drenori thotë se rastin e ka lajmëruar në polici, dhe janë duke zhvilluar hetime se kush mund ta ketë kërcënuar.
Shehu thotë se asnjëherë nuk pati probleme me askënd, por ky i fundit i erdhi si pasojë e angazhimit në zgjedhje për mikun e tij Drenori, që sipas tij mund t’i ketë penguar dikujt.
