Siç raportojnë mediat serbe, takimi i presidentit serb Aleksandar Vuçiç me përfaqësuesit e Listës serbe ka filluar sot pas orës 11.
Po sipas mediave serbe, përcjell Telegrafi, në takim po marrin pjesë edhe Drejtori i Zyrës për Kosovë në Qeverinë e Serbisë, Marko Gjuriq dhe Sekretari i Përgjithshëm i Presidencës, Nikola Selakoviç.
Këtë takim e kishte paralajmëruar edhe kryetari i Listës Serbe, Goran Rakiq, i cili kishte thënë se pritet të shqyrtohet pjesëmarrja e mëtejshme në qeverinë e Kosovës.
“Ne do të marrim një vendim të mençur, do të udhëhiqemi nga interesat e qytetarëve”, kishte deklaruar Rakiq.
Sipas mediave serbe, “dhuna dhe sulmi i forcave speciale të Kosovës i kanë shqetësuar serbët në veri të Kosovës”.
Një takim i tillë thuhet se vjen pas arrestimit të drejtorit të ashtuquajturës Zyra për Kosovën në Qeverinë e Serbisë, Marko Gjuriq nga njësia speciale e policisë së Kosovës në pjesën veriore të Mitrovicës.
Gjuriq pas arrestimit u dërgua në stacionin e policisë në Prishtinë dhe më pas është dëbuar për në Serbi. /Telegrafi/
