Lideri i Nisma Socialdemokrate Fatmir Limaj, ka bërë të ditur se ka marrë ofertë nga Presidenti i shtetit Hashim Thaçi, për të krijuar qeveri të re.
Oferta, Limaj pohon se i është përcjellur përmes subjekteve politike, të cilën thotë ta ketë refuzuar.
“Nisma është kontaktu dhe nuk futet në këtë temë. Ka pasur komunikime prej subjekteve politike tjera. Unë po bëhem korrekt dhe po ju tregoj se me kanë kontaktu. Unë e kam mbyllur këtë çështje në sekond. Mua me kanë kontaktu forcat politike, më shumë se një subjekt. Kanë pyetur çka nëse ndodh kjo? Kam deklaru që vendi shkon në zgjedhje përseri“, ka deklaruar Limaj, në Debat Plus të RTV Dukagjini, raporton GazetaBlic.
Ndryshe, në opinon kanë qarkulluar dy ide për krijimin e qeverisë së rë në mënyrë që vendi të mos shkojë në zgjedhje të parakohshme. Ideja e parë, ka qenë bashkimi i forcave politike mes PDK-së, NISMA-s dhe PSD-së dhe e dyta, krijimi i një qeverie duke e përjashtuar VV-në dhe PDK-në.
Gazeta Blic ka raportuar më herët referuar burimeve të afërta me presidentin Hashim Thaçi dhe me kreun e PDK-së, Kadri Veseli ka marrë vesh se dy liderët janë duke kërkuar rrugë ligjore e kushtetuese, si dhe partner të mundshëm që vendi të mos shkoj në zgjedhje të reja.
