Fahri Fazliu i ri pas “Marshit për Liri”: Marshuam për të vërtetën, për dinjitetin kombëtar dhe në mbrojtje të çlirimtarëve

Në mesin e mijëra qytetarëve që sot iu bashkuan “Marshit për Liri” në Prishtinë, ishte edhe Fahri Fazliu i ri, nipi i dy heronjve të kombit, Fahri dhe Bahri Fazliut.

Pas pjesëmarrjes në marshin e organizuar nga platforma qytetare “Liria ka Emër”, në mbështetje të ish-krerëve të Ushtrisë Çlirimtare të Kosovës që po përballen me procesin gjyqësor në Hagë, Fazliu ka përcjellë një mesazh të fuqishëm në rrjetet sociale, trasnetmon lajmi.net.

“Sot, marshuam për të vërtetën, për dinjitetin kombëtar, në mbrojtje të çlirimtarëve!”, shkroi ndër të tjera ai.

Në postimin e tij, Fazliu ka ngritur lart figurën e UÇK-së, duke e cilësuar atë si simbol të qëndresës dhe të luftës për liri.