Fadil Beka merr ftesë nga Gjykata Speciale, por e gjithë Kosova del në përkrahje të tij (FOTO)

Si kurrë më parë të gjithë kosovarët i kanë dalë në përkrahje kirurgut të UÇK-së, Fadil Bekës. shkruan Drenica Press.

Përveç përkrahjes që ka marrë nga mijëra njerëz doktori dhe ish deputeti Fadil Beka nga fshati Ticë i Skenderajt, këta përkrahës gjithashtu kanë shpërndarë foto të pablikuara më parë gjatë operimeve të tij, duke shpëtuar jetën e shumë të plagosurve gjatë jetës.

Ndërkaq vet Fadil Beka, me rastin e marrjes së ftesës nga Gjykata Speciale, ka thënë se: “Të nderuar miq, Për shkak të interesimit tuaj të madh, ju njoftoj se dje kam marrë një ftesë për intervistim në cilësinë e dëshmitarit, nga hetuesit e Dhomave të Specializuara të Hagës. Tashmë dihet se lufta e popullit tonë e udhëhequr nga Ushtria Çlirimtare e Kosovës ka qenë e drejtë dhe këtë fakt nuk mund ta devijojë askush.
Ju faleminderit për interesimin tuaj dhe mbështetjen morale!”/DRENICA PRESS/