Garat e Çmimit të Madh të Bahreinit dhe Arabisë Saudite janë anuluar zyrtarisht, njoftoi Formula 1.
Ato ishin planifikuar fillimisht për 12 prill dhe 19 prill përkatësisht.
Në një deklaratë, Formula Një thotë se anulimi është për shkak të “situatës së vazhdueshme në Lindjen e Mesme” dhe ndërsa u morën në konsideratë alternativa, nuk do të bëhen zëvendësime për garat.
Anulimet nënkuptojnë se do të ketë një boshllëk prej pesë javësh midis Çmimit të Madh të Japonisë më 27-29 mars dhe atij në Miami më 1-3 maj.
“FIA do ta vërë gjithmonë sigurinë dhe mirëqenien e komunitetit dhe kolegëve tanë në radhë të parë. Pas një shqyrtimi të kujdesshëm, e kemi marrë këtë vendim duke pasur parasysh këtë përgjegjësi”, tha Presidenti i FIA-s, Mohammed Ben Sulayem.
