Eliot Engel do të largohet nga detyra e tij në Kongresin e Shteteve të Bashkuara të Amerikës (SHBA).
Ai këtë e bëri të ditur me anë të një postimi në rrjetin social Facebook, në të cilin ka thënë se nesër do largohet nga Kongresi për herë të parë pas 32 vjetësh.
Në fjalimin e tij si kongresist ka deklaruar se është i nderuar që ka përfaqësuar njerëzit e Bronxit dhe Westchesterit.
“Jam përjetësisht falënderues që më është ofruar mundësia t’u përfaqësojë ju në Washington. Faleminderit që më keni dhënë besimin e juaj”.
Tutje, Engel ka folur edhe për Kosovën, duke kujtuar punën e tij në vitin 1999 që ka bërë për vendin gjatë luftës së fundit.
“Unë gjithmonë kam pasur një vend të veçantë në zemrën time për Ballkanin dhe në veçanti, për Kosovën. Në vitin 1999, fuqishëm e kam përkrahur intervenimin e Administratës Clinton në Ballkan. Ne e dimë se parandaluam gjenocidin”.
“Që nga atëherë, kam qenë përkrahës i sovranitetit të Kosovës dhe pavarësisë. Shteti ka bërë hapa të jashtëzakonshëm dhe njihet nga SHBA-ja, Mbretëria e Bashkuar, Franca, Gjermania, Japonia dhe shumë shtete tjera të rëndësishme”, ka thënë Engel.
