Gjatë ditës së sotme ka vdekur ish-luftëtari i Ushtrisë Çlirimtare të Kosovës, Jeton Kuçi. Ai kishte qenë i angazhuar për çështjen kombëtare që nga viti 1990.
Lajmin e ka bërë të ditur deputeti i Kuvendit, Rasim Selmanaj.
Ish-kryeari i Deçanit, ka shkruar se “një lajm i papritur dhe ngjarje tronditëse jo vetëm për familjen por për të gjithë ne që e kishim bashkëudhëtar që nga vitet 90-ta.E kam shumë vështirë të shkruaj për Ty Jeton, njeriu dhe miku im i mirë por çka me ba,jeta qenka e padrejtë.
Postimi i Rasim Selmanajt.
Lajm tronditës, humb jetën Jeton Kuçi nga Deçani. Një lajm i papritur dhe ngjarje tronditëse jo vetëm për familjen por për të gjithë ne që e kishim bashkëudhëtar që nga vitet 90-ta!
E kam shumë vështirë të shkruaj për Ty Jeton, njeriu dhe miku im i mirë por çka me ba,jeta qenka e padrejtë!
Ju,Jeton tani po ndaheni nga ne fizikisht por do të mbeteni përgjithmon në zemrat tona! Do të jetojmë me kujtimet e mira për Ju shoku ynë i mirë e i vertet i viteve të përplasura!
Ju në kujtesën time dhe të brezave do te jeni i gjallë si një shtegtar duke ecur me një qifteli në dorë për të brymosur idealin për Liri e duke përcjell amanetin e shokëve tu dëshmor!
Qiftelia jote dhe shokëve tu kishte një melodi me Kitarën e Jusuf Gërvallës!
Po e kam të veshtirë të shkruaj per Ty shoku ynë,sepse kemi dhembje e mall pa kufi por do jemi edhe krenar gjithë jetën i dashuri miku im,Jeton Kuçi!
Ketu po e këputi fjalen time!
Lamtumirë miku im i mirë!
