GABIMIN më të madh historik që është duke bërë Qeveria e Shqipërisë është mos pajisja me Pasaportë Shqiptare e shqiptarëve të Kosovës, Iliridës, trojeve shqiptare nën Mal të Zi e Serbi dhe shqiptarëve në mërgatë. Duke mos bërë këtë Qeveria Shqiptare po shkel Kushtetutën e Republikës së Shqipërisë dhe po diskriminon kombëtarisht shqiptarët në Gadishullin Ilirik dhe mërgatë! Të gjitha vendet tjera fqinje kanë nga dy parë pasaportë.
Bullgaria ka pajisur me pasaportë sllavo-maqedonasit, Greqia qipriotët dhe çdo pakicë të saj, Serbia serbët e Bosnjes e Kosovës, Kroacia kroatët e Kosoves e të Bosnjës, Ruamania poashtu.
VETËM SHQIPËRIA nuk ka bërë një gjë të tillë për shqiptarët e Kosovës, Iliridës, trojeve shqiptare nën Mal të Zi e Serbi dhe shqiptarëve në mërgatë. Mos pajisja e shqiptarëve me PASAPORTË TË SHQIPËRISË dëmton rëndë identitetin kombëtar dhe cenon interesat shtetërore të Republikës së Shqipërisë të përcaktuara në Preambulën e Kushtetutës ku thuhet shumë qartë “PËR IDENTITET DHE BASHKIM KOMBËTAR”.
