Policia e Kosovës ka njoftuar se dy persona (vëllezër) në rrethana ende të pasqaruara janë plagosur me armë zjarri në afërsi të shtëpisë së tyre.
Sipas policisë, të plagosurit fillimisht janë dërguar në QKMF-Malishevë ku është konstatuar vdekja e njërit nga viktimat ndërsa viktima e dytë ka ndërruar jetë gjatë rrugës për në QKUK.
Lidhur me motivet e mundshme të këtij akti kriminal deri më tani ato janë të panjohura.
Ndërkohë mediat raportojnë se dy persona janë arrestuar në lidhje me vrasjen e dy vëllezërve në Plloqicë të Malishevës.
Kryeprokurori i Gjakovës Ali Selimaj, ndonëse ka konfirmuar për KALLXO.com arrestimin e tyre, nuk ka dhënë detaje për identitetin e të dyshuarve apo motivin e vrasjes. /Telegrafi/
- Advertisement -
