Dy vëllezër binjakë dhe gratë e tyre, binjakë që janë identikë në ngjashmëri, do t’iu nënshtrohen ndërhyrjeve kirurgjikale në mënyrë që të bëjnë ndryshime në trupat e tyre, për ta pasur të lehtë ta dallojnë njëri tjetrin.
Çiftet që jetojnë në provincën Shanxi në Kinë, shpesh e kanë të vështirë që ta dallojnë partnerin e vet nga kunetërit e kunatat e tyre, dhe të qenit identikë, po ju krijon konfuzion.
Disa herë mes tyre kanë ndodhur shkëmbime në mes tyre dhe kjo i ka bërë ata që të vendosin të ndryshojnë diçka nga pamja e tyre, shkruan gazeta britanike The Independent, transmeton Klan Kosova.
Vëllezërit Zhao Xin dhe Zhao Cuan dhe gratë e tyre, Yun Fei dhe Yun Yang janë konsultuar me doktorët në spitalet e Shangait, dhe kanë vendosur që të bëjnë ndryshime në fytyrat e tyre, që të jenë më lehtë të dallueshëm.
Çiftet ishin martuar në të njëjtën ditë, dhe në ditën e dasmës atyre iu ishte dashur të tregonin shumë kujdes me njëri tjetrin, që nga hipja në makina e deri të shkëmbimi i unazave, në mënyrë që të mos i ngatërronin partnerët.
