Si çdo herë, edhe kësaj radhe u dëshmua se drenicasit solidarizohen me vëllezër dhe shtete mike, në momentet më të vështira- shkruan drenicapress.info
I tillë del të jetë edhe një vendim i komunës së Drenasit, e cila sot mori vendim që t’ju gjendet pranë vëllezërve nga Shqipëria, të cilët u preken nga fatkeqësia natyrore duke shkaktuar përmbytje pothuajse në gjithë vendin.
Drejtoria për Bujqësi dhe Zhvillim Ekonomik në Komunën e Drenasit ka kërkuar nga qytetarët e saj, veçanërisht nga bizneset të cilët kanë mundësi t’u ndihmojnë me ushqim, veshmbathje dhe në veçanti me ushqim për kafshë (ushqim voluminoz dhe ushqim të koncentruar), për qytetarët e Republikës së Shqipërisë, të cilët pas vërshimeve që ndodhën ditëve të fundit, kanë mbetur pa gjëra elementare dhe kanë nevojë për ndihmën tonë.
Komuna e Drenasit ka bërë një kërkesë që të gjithë ata që kanë mundësi të ndihmojnë brenda dy ditëve, të lajmërohen tek zyrtari përgjegjës në Komunën e Drenasit, përkatësisht në Sektorin e Bujqësisë: Halit Bytyqi, në numrin e telefonit 044-170-722. /Drenica Press/
