Drejtoria për Bujqësisi dhe Zhvillimit Rural në Mitrovicë duke u bazuar në planin e punës për vitin 2016 ka marrë vendim për mbështetjen e Sektorit të Bletarisë përmes mbështetjes së fermerëve me koshere , këshilla profesionale dhe monitrim të vazhdushëm nga ekspert e drejtorisë. Projekti do të realizohet nga Komuna e Mitrovicës në bashkëfinancim me fermerët, pjesëmarrja e fermerit do të jetë 23 % , ndërsa pjesëmarrja e Komunës së Mitrovicës do të jetë 77%.
Fermerët që aplikojnë duhet të plotësojnë këto kushte: 1. Të jetë banor i përhershëm i Komunës së Mitrovicës; 2. Të jetë i regjistruar në regjistrin elektronik të fermerit (eFR) 3. Të kenë 30 e më shumë shoqëri të bletëve; 4. Të jetë antarë i ndonjë shoqate bletarësh (e preferuar); 5. Të participoi në financimin e projektit me 23 %; 6. Përparësi kanë fermerët që nuk kanë përfituar shoqëri bletesh nga Drejtoria e Bujqësisë dhe Zhvillimit Rural.
Dokumentacioni i nevojshëm për aplikim:
1. Kërkesen e plotësuar për aplikim; 2. Fotokopjen e letërnjoftimit; 3. Çertifikaten e regjistrimit të fermerit; 4. Vërtetimin e tatimit në prone.
Marrja e aplikacioneve si dhe dorzimi i dokumenteve bëhet në Zyrën pritëse në Komunën e Mitrovicës, Nr. 10, prej datës 15.06. 2016 deri me datën 30.06.2016, nga ora 9.00-15.00
