Donat Rrudhani ka kaluar zyrtarisht nga Young Boys te FC Sion në Superligën e Zvicrës.
Mesfushori kosovar ka nënshkruar një kontratë katërvjeçare me klubin nga Valais, siç është njoftuar nga vetë klubi.
Rrudhani iu bashkua YB-së nga Aarau në vitin 2022, ku fitoi dy trofe në sezonin e parë, por nuk arriti të afirmohej plotësisht me klubin nga Bern.
Ai u huazua te Lausanne-Sport në gjysmën e dytë të sezonit 2023/24 dhe sezonin e kaluar te Luzerni, ku 26-vjeçari bëri paraqitje mbresëlënëse.
Rrudhani është edhe përfaqësues i kombëtares së Kosovës.
Rrudhani është ftuar nga selektori Franco Foda për ndeshjet e shtatorit, por vetëm në listën rezervë.
Kosova luan ndaj Zvicrës më pesë shtator, teksa më tetë shtator luan ndaj Suedisë./GazetaExpress/
- Advertisement -
