Këto ditë Shtëpia Botuese Ndërkombëtare me seli në ShBA dhe përfaqësinë e saj për Evropë në Spanjë Vernon Press ka botuar librin “Intercultural Education: Kosovo Stories of Struggle and Resilience”. Libri është botuar nën udhëheqjen e profesorit nga Universiteti i Houstonit Prof dr. Cameron White dhe dekani i zgjedhur i Fakultetit të Edukimit prof. dr. Blerim Saqipi.
Autorë të këtij libri janë edhe studentët e nivelit të doktoraturës nga Fakulteti i Edukimit në Universitetin e Prishtinës dhe kolegët e tyre amerikanë, studentët e nivelit të doktoraturës të Fakultetit të Edukimit në Universitetit e Houstonit.
Libri “Intercultural Education: Kosovo Stories of Struggle and Resilience” (“Edukimi Ndërkulturor: Tregimet e Vështirësive dhe Rezistencës në Kosovë”) ofron tregime që sfidojnë konceptet tradicionale në lidhje me historitë që janë shpesh të panjohura ose të injoruara. Libri trajton vështirësitë e arsimit shqip në Kosovë gjatë viteve të 90-ta nga një perspektivë e pa studiuar më parë. Ky koleksion është me interes për fakultetin, studentët, hulumtuesit dhe studiuesit e fushës së arsimit dhe studimeve kulturore, si dhe për anëtarët e organizatave ndërkombëtare që si fushëveprim e kanë arsimin.
Më tepër rreth librit mund të klikoni në linkun e mëposhtëm
https://vernonpress.com/book/1124
