Pojektligji për Vlerat e UÇK-së, nuk kaloi në kuvend, pati votim vetëm nga 37 deputetë, dhe nuk kaloi ky ligj.
Para votimit të këtij Projektligji, shefi i grupit parlamentar të LDK-së, thotë se askush nuk ka të drejtë patronati të vlerave të UÇK-së.
“Askush nuk ka të drejtë patronati të vlerave të Ushtrisë Çlirimtare të Kosovës, mënyra se si është formulu ky ligj, dhe se si po agumentohet na bënë të distancohemi nga ai, ky projektligj nuk i plotëson kriteret për tu bërë ligj”, deklaroi Arben Gashi.
Bedri Hamza i PDK-së, deklaroi se janë të gatshëm ta ndryshojnë këtë projektligj dhe kërkoi mbështetjen e deputetëve.
“PDK nuk po kërkon autorësi dhe pronësi mbi këtë ligj, është procedu në pajtim me Kushtetutën, po kërkojmë unitet dhe kemi gatishmëri për vlerësimet se çka duhe me u heq e me u shtu në këtë ligj, jemi këtu për me i dhanë peshë e vlerë, një vlere ma sublime që ka pas kombi në histori siç është UÇK, nëse ka gatishmëri ju lusim për përkrahje, nëse nuk ka mos u sillni në mënyrë të vrazhdë, ju lus me mirësjellje dhe respekt të na ndihmoni dhe votoni me gatishmërinë që gjithçka që ka nevojë me u dnryshu e përmirësu, ky ligj do futet në procedurë të votimit deri kur të votohet”, Bedri Hamza.
