Daut Haradinaj: Kapitulli UÇK është mbyllur, në Kuvend tash po fliten pallavra
Deputeti i Kuvendit të Kosovës nga radhët e Aleancës për Ardhmërinë e Kosovës, Daut Haradinaj, ka dhënë një intervistë ekskluzive në emisionin “Pressing”, me Leonard Kerqukin, në televizionin T7.
Daut Haradinaj është pyetur se a duhet hapur apo jo temat e luftës në Kosovë.
“UÇK e ka përmbyllur mandatin më 13 qershor. Më 29 shtator, është transformuar në TMK. Kapitulli UÇK, në ditën që është nënshkruar marrëveshja e çmilitarizimit dhe transformimit, është mbyllur”, ka thënë ai.
“Nuk mundet më kurrkush të thirret në ato vlera. Ato vlera i takojnë së kaluarës. Sot duhet të përgjigjet secili për ditën e sotme”, është shprehur Daut Haradinaj.
“Në rast se ka diçka që duhet ta dijë opinioni publik, ose është vepër penale, ose është bërë një krim i caktuar, janë vendet ku duhet të shkohet”, ka deklaruar ai në T7.
Lexo edheMPB e Serbisë: Artistët kosovarë deshën nën maskën e artit të promovojnë UÇK-në në Beograd
