Ish-ushtari i UÇK-së dhe këshilltari i Albin Kurtit, Aziz Bici, ka reaguar rreth largimit dhe rivendosjes së flamurit të UÇK-së, shkruan Drenicapress
Sipas Bicit asnjëherë nuk e kanë mbrojtur UÇK-në, por vetëm e kanë përdorur për interesat e veta dhe të partive që kanë sjellë korruptimin e institucioneve dhe dëshpërimin e popullit.
Lexojeni postimin e plotë:
Krerët e OVL-së UÇK-së, janë në rrjedha të vendosjes së flamurit të UÇK-së në njërën nga shtyllat afër hyrjes së objektit të Qeverisë, nga qytetarët.
Pyetja që duhet t’i përgjigjen krerët e OVL-së të UÇK-së është, cili ka qenë qëndrimi i tyre kur u vendos flamuri i UÇK-së dhe cili kur flamuri u largua nga qeveria ilegale Hoti.
Sepse këta asnjëherë nuk e kanë mbrojtur UÇK-në, por vetëm e kanë përdorur për interesat e veta dhe të partive që kanë sjellë korruptimin e institucioneve dhe dëshpërimin e popullit.
