Asambleisti i Kuvendit Komunal të Drenasit, Vehbi Berisha, ka ngritur çështjen e mbeturinave te tregu i gjelbërt në Drenas.
Sipas Berishës, qytetarët janë shumë të shqetësuar për gjendje mjaft të keqe të këtij tregu dhe se Komuna duhet të merret urgjentisht më këtë problem.
Reagimi i asambleistit Berisha:
Të nderuar qytetarë të Drenasit, në vijim ua prezantojmë nëpërmjet fotografive hapësirat e tregut të “gjelbër” në Drenas, ku qytetaret dhe sidomos banoret e lagjeve përreth tregut janë tejet të shqetësuar për gjendjen mjaftë të keqe të tregut në Drenas, ku fatkeqësisht nga vet fotot shihet qartë se ky treg nuk menaxhohet nga askush. Në kuadër të përgjegjësive të mija si Asambleist në Kuvendin Komunal të Drenasit, gjatë ditëve në vijim do e ngriti si shqetësim pran Drejtorisë së Shërbimeve publike dhe Emergjenca, që ky problem të trajtohet në mënyrë urgjente, me qëllimin primar të parandalimit të ndonjë epidemie e cila shumë lehtë mund të përhapet sidomos në ketë kohë kur mbretërojnë temperatura mjaftë larta, e pastaj në funksion të mirëmbajtjes, organizimit dhe mirë menaxhimit të tregut në Drenas i cili zhvillohet çdo jave rregullisht gjatë ditës së enjte.
Po ashtu në lidhje me këtë çështje do i drejtohem edhe Drejtorisë së Inspeksionit sepse tregu i gjelbër nuk i plotëson aspak kushtet sanitare të punohet në të ashtu siç është tani, ku nuk ka kurrfarë kushtesh që ky treg të zhvilloj punën sipas normave të lejuara./Drenicapress.info/
