Avokati i Gani Gecit, Besnik Berisha është deklaruar për media pasi Gjykata Themelore në Prishtinë ka caktuar një muaj paraburgim ndaj Gecit për shkak të kanosjes ndaj gazetarit Lirim Mehmetaj.
Ai ka njoftuar se i është caktuar paraburgim prej 30 ditësh, ndërsa atë vendim e ka vlerësuar si jo të duhur.
“Natyrisht, se e vlerësojmë si një vendim me papërshtatshmëri ligjore, absolutisht i panevojshëm dhe në kundërshtim me secilën praktikë që Gjykata ka zbatu deri më sot. Jemi të bindur se masa e paraburgimit është caktuar për shkak të emrit të përveqëm jo për shkak të kushteve ligjore, por gjithsesi besojmë se do të korrigjohet në seancën e parë që do të jetë Gjykata e Apelit me një ankesë që do të ushtrohet brenda afatit ligjor”, ka thënë Berisha. /Lajmi.net/
