Rifshfaqet Donis Avdijaj.
Talenti kosovar i cili refuzoi Shqipërinë me shpresën se do luante për Gjermaninë po kalon ditë shumë të vështira pasi është pa skuadër por ai mund të rifillojë gjithçka nga Serie B italiane.
Sipas mediave italiane, 22-vjeçari ndodhet prej dy ditësh në provë te Pescara, klub ku luajnë futbollistët shqiptarë Ledian Memushaj dhe Elhan Kastrati.
Avdijaj ishte dikur një ndër talentet më premtues të akademisë se Schalkes dhe kombëtares së moshave të Gjermanisë, por gjatë viteve të fundit karriera e tij nuk ka pasur zhvillimin që pritej. Futbollisti nuk aktivizohet prej katër muajsh, çka ka bërë që të mos grumbullohet më nga trajneri i Kosovës Bernard Challandes, pavarësisht se në vitin 2018 ka qenë pjesë e rregullt e përfaqësueses së Kosovës./SS/
