Asnjë ofertues, anulohet tenderi mijëra eurosh për bombolat e gazit për FSK-në

Ministria e Mbrojtjes ka anuluar ritenderin për furnizimin me bombola CO₂ dhe azot për nevojat e Forcës së Sigurisë së Kosovës, pasi në këtë aktivitet të prokurimit nuk është paraqitur asnjë operator ekonomik.

Vlera e parashikuar për këtë kontratë ishte 15,500 euro, sipas njoftimit për anulimin e aktivitetit të prokurimit të publikuar nga Ministria e Mbrojtjes në E-prokurimi, shkruan IndeksOnline.

Përmes këtij tenderi, ministria synonte të siguronte furnizimet e nevojshme për FSK-në, me qëllim të mbështetjes së operacionalitetit dhe efikasitetit në përmbushjen e detyrave të saj.