Policia e Kosovës ka arrestuar një person për shkak se kërkonte të holla në emër të mbështetjes financiare për Policinë dhe FSK-në.
Sipas raportit të policisë, i dyshuari, i cili është nga fshati Bresje i Fushë Kosovës, kishte hapur një llogari në rrjetin social Facebook, përmes së cilës ka kërkuar mjete financiare kinse për të mbështetur këto dy institucione.
Nga i dyshuari, në cilësi të provave, janë sekuestruar një kompjuter dhe një telefon mobil. Me urdhër të prokurorit, i dyshuari dërgohet në mbajtje.
