Ka përfunduar seanca ndaj gjashtë të dyshuarve lidhur me rastin e plagosjes së ndodhur të shtunën në lokalin “Gizzi”, në Grand Store.
Kështu ka mësuar IndeksOnline nga burimet e saj.
Mësohet se dy prej të dyshuarve janë duke marrë trajtim në Qendrën Klinike Universitare të Kosovës (QKUK), ndërsa ndaj tyre pritet të mbahet seanca në ambientet e QKUK-së.
Burimet e IndeksOnline bëjnë të ditur se dy personat që po trajtohen në QKUK janë Rinor Krasniqi dhe Arlind Rushiti.
Vendimi pritet të merret pasi të përfundojë edhe seanca ndaj dy personave që ndodhen në QKUK. /IndeksOnline/
