Policia e Kosovës gjatë ditës së sotme e ka arrestuar K.K (emër i njohur për redaksinë), i cili ishte i përfshirë në një incident më 13 nëntor të vitit 2019.
K.K, është arrestuar për veprën penale “Vrasje e rëndë në tentativë”. Këtë për Gazetën Sinjali, e ka konfirmuar zëdhënësi i Policisë së Kosovës, Daut Hoxha.
“Po, ju konfirmoj se gjatë një operacioni policor, personi i potencuar nga ana juaj sot pasdite bazuar ne urdhëresën e gjykatës kompetente është arrestuar, dhe të gjitha veprimet tjera do te ndërmerren ne koordinim me organet kompetente te drejtësisë”, ka thënë Hoxha për Gazetën Sinjali.
Në nëntor të vitit 2019, kishte ndodhur një konflikt i armatosur në diskotekën “Duplex”. Në këtë incident, kishin mbetur të plagosur katër pjesëtar të sigurimit të lokalit. Të përfshirë në këtë rast dyshohen të kishin qenë Astrit Mehmeti i njohur me nofkën “Llepota”, por edhe Ard e Andi Pajaziti, të cilët ishin liruar muajin nëntor pasi fillimisht ishin arrestuar nga Policia e Kosovës./Gazeta Sinjali/
