Aqareva e Skenderajt është mbuluar nga pikëllimi pas lajmit për ndarjen nga jeta të ish-ushtarit të UÇK-së, Cen (Zenel) Kadriut, përcjellë Drenica Press.
I ndjeri kujtohet si një burrë i fjalës dhe i besës, i cili në ditët më të vështira për vendin iu përgjigj thirrjes së Atdheut duke u rreshtuar në radhët e Ushtrisë Çlirimtare të Kosovës. Gjatë luftës ai u plagos, duke dëshmuar sakrificën dhe përkushtimin e tij për lirinë e vendit.
Me veprimtarinë dhe kontributin e tij në shërbim të kombit dhe atdheut, Cen Kadriu la gjurmë të pashlyeshme tek familja, bashkëluftëtarët dhe të gjithë ata që e njohën nga afër.
Ngushëllimet më të sinqerta i drejtohen familjes Kadriu, miqve dhe gjithë bashkëvendësve për këtë humbje të rëndë.
- Advertisement -
