Vinicius nuk do të jetë i disponueshëm për dy ndeshjet e fundit të Brazilit në kualifikueset e Amerikës së Jugut për Kupën e Botës 2026.
Braziliani mori kartonin e tretë të verdhë në fitoren 1-0 ndaj Paraguait, gjë që e përjashton automatikisht nga ndeshja kundër Kilit, më 4 shtator.
Duke pasur parasysh këtë rrethanë, stafi i trajnerëve ka vendosur gjithashtu të mos e përfshijë atë në ndeshjen kundër Bolivisë, të planifikuar për 9 shtator në El Alto, me qëllim që t’i japë atij një pushim pas një sezoni në të cilin ai ka bërë mbi 60 paraqitje zyrtare për klubin dhe ekipin kombëtar.
Rodrygo dhe Éder Militao , të cilët mungonin në skuadrën e mëparshme për shkak të një dëmtimi, shfaqen në listën paraprake të Ancelottit./Indeksonline/
- Advertisement -
