Ambasadori i Shteteve të Bashkuara të Amerikës në Tiranë, Donald Lu, së bashkë me stafin e ambasadës kanë postuar një video në faqen e ambasadës në Facebook, ku këndojnë këngën e njohur për fëmijë, “Ja na erdhi Viti i Ri”!
Në postimin e ambasadës thuhet se janë mbledhur së bashku një grup i mrekullueshëm shqiptar, ambasadori Lu dhe stafi i ambasadës, të cilët pas këngës urojnë festat të gjithëve.
“E dini çfarë ndodh kur mbledh së bashku një grup të mrekullueshëm shqiptar, ambasadorin Lu dhe personelin e ambasadës amerikane? Shikoni këtë video dhe na thoni nëse jemi: të paparë; më shumë se të paparë; papërshkrueshmërisht të paparë. Gëzuar festat të gjithëve!”, thuhet në postim./atsh/
