Deputetin e Lëvizjes Vetëvendosje, Albin Kurtit, gjykata themelore në Prishtinë e ka dënuar për dy raste.Derisa për hedhjen e gazit lotsjellës Albin Kurti u dënua me 1 vjet burg, gjyqtari Kalludra e ka dënuar edhe me 6 muaj të tjerë për pengimin e personit zyrtar, raporton Gazeta Blic.
Albin Kurti, Faton Topalli, Albulena Haxhiu dhe Donika Kadaj- Bujupi u shpallën fajtorë për hedhjen e gazit lotsjellës.
Asnjëri prej të dënuarve nuk ndodhen në sallë të gjykatës gjatë shpalljes së aktgjykimit.
Albin Kurti u dënua me një vjet burg , Albulena Haxhiu me 1 vjet e 3 muaj, Donika Kadaj me 1 vjet e 6 muaj dhe Faton Topalli me një vjet e 2 muaj.Të gjithë deputetë e VV-së janë dënuar me kusht, që neëse kryejnë ndonjë vepër penale brenda një viti, atëherë do të ekzekutohet vendimi.Albin Kurti, Albulena Haxhiu, Donika Kadaj dhe Faton Topalli u ngarkuan me akuza nga Prokuroria për kryerjen e veprave penale “të përdorimit të armës apo mjetit të rrezikshëm” si dhe “pengim i personit zyrtar gjatë kryerjes së detyrës zyrtare”.Sipas aktakuzës së Departamentit për Krime të Rënda në Prokurorinë Themelore të Prishtinës, katër të deputetët në pjesën e fundi të vitit 2015, përmes përdorimit të gazit lotsjellës në sallën e Kuvendit të Kosovës kanë tentuar ta pengojnë dhe e kanë penguar punën e legjislativit. Tërë këto veprime janë bërë në kundërshtim të marrëveshjes me Serbinë për Asociacionin dhe asaj me Malin e Zi për demarkacionin.
