Një aksident trafiku mes një motoçiklete dhe veture ka ndodhur sot në mëngjes në Prishtinë.
Këtë për lajmi.net e ka konfirmuar Zëdhënësi i Policisë së Kosovës për Prishtinë, Enis Pllana.
Si pasojë e këtij aksidenti, dy persona kanë kërkuar tretman mjekësor.
“Sot rreth orës 08:00 kemi pranuar informatën për një aksident trafiku me lëndime në rrugën “Hysri Talla” në Prishtinë. Në aksident janë përfshirë një motoçikletë dhe një veturë. Si pasojë lëndime kanë pësuar dy persona, të cilët kanë pranuar tretman mjekësor. Me rastin po merret Njësia e Trafikut të Kryeqytetit.”, tha Pllana./lajmi.net/
