Një aksident i rëndë ka ndodhur para pak minutash në Rrugën e Kombit, ku raportohet për një person të vdekur e një tjetër të lënduar.
Sipas dëshmitarëve në vendin e ngjarjes, ambulanca është vonuar gjysmë ore, ndonëse vendaksidenti ishte në vendin e njohur si kthesa Kukës-Morinë, shkruan Reporteri.net.
Ata thonë se ekipi emergjent kanë konfirmuar vdekjen e njërit nga të aksidentuarit, ndërkohë që personi tjetër kishte shenja jete, ani pse në gjendje shumë të rëndë.
I vdekuri dhe personi tjetër i lënduar, raportohet se janë shtetas të Shqipërisë.
Ndërkohë, siç shihet nga pamjet e siguruara nga Reporteri.net, trupi i të aksidentuarit ka dalë nga vetura dhe ka përfunduar në rrugë. Aty u la derisa erdhën ekipet emergjente.
Siç edhe shihet, zona ku ndodhi aksidenti nuk është rrethuar me shiritin e policisë e as trupat nuk janë izoluar, dhe persona civilë janë afruar tek ta.
- Advertisement -
