Ushtruesja e Detyrës së Presidentes së Kosovës, Albulena Haxhiu ka vendosur për datën e zgjedhjeve të jashtëzakonshme.
Ajo ka thënë se pas dështimit të Kuvendit për të zgjedhur Presidentin dhe bazuar në aktgjykimin e Gjykatës Kushtetuese, Kuvendi konsiderohet i shpërndarë dhe zgjedhjet duhet të mbahen brenda afatit 45 ditësh.
Haxhiu ka njoftuar se në linjë me përgjegjësitë kushtetuese ka pritur në takim drejtuesin e KQZ-së Kreshnik Radoniqin me të cilin ka diskutuar për aspektet organizative të procesit zgjedhor, ndërsa sot është takuar me 15 përfaqësues të subjekteve politike.
“Dëgjova propozimet e partive politike për datën e zgjedhjeve. Pas vlerësimit të afateve kushtetuese, nevojave organizative të KQZ-së dhe rëndësisë së pjesëmarrjes sa më të gjerë në kët ëproces, kam vendosur që zgjedhjet e parakohshme për Kuvendin e Republikës të mbahen me 7 qershor”, ka thënë Haxhiu para mediave. /Lajmi.net/
