“Mjaftë me spekulime”, Fatos Geci i reagon Gani Gecit dhe të tjerëve: Vetë e kam shkruar fjalimin në mënyrë spontane

Deputeti i Grupit Parlamentar të Lëvizjes Vetëvendosje, Fatos Geci, ka reaguar pasi Gani Geci deklaroi se “dikush nga LVV ia ka dhënë fjalimin atij”. Po ashtu, gjatë ditës në opinion qarkulloi se “Geci nuk e ka shkruar vetë fjalimin”.

Geci tha se vetë ai e ka shkruar fjalimin në mënyrë spontane.

Tutje deputeti Fatos Geci tha që duhet të iu jepen fund këtyre lojërave.

“Mjafte më spekulime. Unë i kam shkruar vetë ato fjali në mënyrë spontane, në momentin kur deputeti i PDK-së tha se po friksohemi nga Thaçi. Jepini fund këtyre lojërave”, ka shkruar Geci. /Gazeta Express

Gani Geci në Pressing: Fatosi s’po ma çel telefonin, letrën për Hashim Thaçin ia dha deputeti i VV’së i afërt me Kurtin e Konjufcën