Deputeti Mërgim Lushtaku ka bërë të ditur se ka votuar pro krijimit të Byrosë për verifikimin dhe konfiskimin e pasurisë, duke e cilësuar këtë hap si të nevojshëm, pavarësisht mangësive që, sipas tij, përmban projektligji.
Lushtaku deklaroi se iniciativa po shtyhet nga pushteti për qëllime elektorale, duke akuzuar qeverinë se ndër vite ka etiketuar kundërshtarët politikë si “hajna” dhe “kriminelë”.
“Projektligji ka mangësi të mëdha, por të paktën propaganda linçuese ndër vite më nuk do t’u pi ujë”, është shprehur ai.
Ai shtoi se, pavarësisht kritikave, vota pro është dhënë në funksion të krijimit të një mekanizmi që synon transparencë dhe luftë ndaj pasurisë së pajustifikuar.
- Advertisement -
