Barcelona po kërkon të përforcojë repartin e mbrojtjes, pasi ka pësuar gola në çdo ndeshje të këtij sezoni në Ligën e Kampionëve.
Objektivi kryesor i klubit katalanas është mbrojtësi i Interit, Alessandro Bastoni.
Sipas raportimeve, Interi vlerëson lojtarin në rreth 60–80 milionë euro, ndërsa Barcelona po përpiqet ta ulë çmimin përmes një marrëveshjeje “lojtar + para”.
Emra si Dani Olmo dhe Ferran Torres janë përmendur si pjesë të mundshme të një shkëmbimi që mund të bindë klubin italian.
Gjithashtu është raportuar se Barcelona është e gatshme të përfshijë edhe mbrojtësin e ri të krahut të djathtë, Hector Fort, në marrëveshje.
Interi thuhet se ka kohë që e ndjek 19-vjeçarin dhe e vlerëson shumë potencialin e tij.
Sipas gazetarit Matteo Moretto, një ofertë prej rreth 55 milionë eurosh plus Fort mund të mjaftojë për të arritur marrëveshjen mes klubeve.
Fort, i cili ka luajtur këtë sezon tek Elche në huazim, ka regjistruar 2 gola dhe 2 asistime në 12 paraqitje.
Ai ka qenë më parë edhe pjesë e Barcelonës, por sezonin e kaluar pati pak minuta nën drejtimin e Hansi Flick.
Sezoni i tij është ndikuar nga një dëmtim në shpatull që e ka mbajtur jashtë për tre muaj, por ai tashmë është pranë rikthimit dhe pritet të jetë i gatshëm për ndeshjen ndaj Atletico Madridit.
Në një deklaratë për mediat e klubit, Fort u shpreh: “Jam shumë i lumtur, e prisja me padurim. Kanë qenë tre muaj të gjatë, por gjëja më e rëndësishme është që jam rikthyer”./GazetaExpress/
